Isrosa – månedens kunde i mai
Eit lite, økologisk småbruk i Kvinnherad i Hordaland er heimstaden til to ulike økologiske produktliner: Isrosa økologisk is og Rein hudpleie.
På småbruket bur ekteparet Øystein Skjæveland og Una Kolle og dei tre borna deira, saman med 25 verpehøner, to hanar, fire kopplam og ymse kattar, ender og kalkunar
Øystein starta ismakar-karrieren sin med å vera dessertansvarleg på haustfesten då han gjekk på jordbruksskulen i Aurland. Produktet slo godt an, snøballen byrja å rulla og i år er det 14 år sidan Isrosa is fekk Debio-godkjenning, som den fyrste iskremen i Noreg. Etter kvart auka produksjonen, og er i dag ein viktig del av levebrødet til familien på garden i Herøysund i Kvinnherad.
Familien auka også, og med tre born pluss gardsdrift og foredling var det ikkje like lett å få timane til å strekkja til. I 2014 tok difor familien ein pause i eigen mjølkeproduksjon og kjøper no mjølk frå andre økologiske gardsbruk i kommunen. Mjølka kjem fersk på tankbil rett frå fjøset. Egg og rabarbra er framleis av eigen produksjon, og andre is-råvarer kjøper dei inn lokalt, så langt det går. Eit langsiktig ynskje er å få kyr på båsen att når ungane vert litt større, noko sonen Eimund på åtte år stør heilhjarta opp om. Han vil helst ha ku med ein gong.
Dei siste tre-fire åra har Una bygd opp ein eigen produksjon av hudpleieprodukt med økologiske råvarer. Det tok ikkje lang tid før kjøkenbenken vart for trang for produksjonen, og Una tok over det ledige mjølkerommet i fjøset. No er også dét for trangt, og planen er eit nytt produksjonslokale i kjellaren på bustadhuset. Blant bestseljarane er hårsjampo, leppepomade, deodorant og ringblomsalve. Una dyrkar sjølv ringblom i hagen, og har nyleg planta brennesle til bruk i sjampo. Men den mest spanande nysatsinga er bikubar for å få eigen bivoks til salvar og kremar. Og så litt honning som bonus, då.
Både is og hudpleie vert selt i utvalde butikkar på Vestlandet, Oslo, Vestfold og Telemark. I tillegg har Una eigen nettbutikk for Rein hudpleie. Isrosa-is kan du også få tak i på ymse festivalar og marknader i sommarhalvåret, mellom anna Øya-festivalen i Oslo.
Månedens kunde
I januar 1997 åpnet Cultura Sparebank dørene for første gang. Vi etablerte banken ut fra en idé om at pengene skulle brukes som et verktøy for å skape sosial rettferdighet og et bedre miljø. 20 år senere kan vi slå fast at modellen har fungert, og vi ser frem mot et innholdsrikt jubileumsår.
De siste 20 årene har vi vært gjennom en spennende reise, hvor mat har blitt dyrket uten bruk av sprøytemidler, miljøboliger har blitt reist, etiske klesmerker har blitt produsert, og mye mer.
Vi har noen fantastiske kunder, og dem har vi lyst til å vie litt ekstra oppmerksomhet i dette jubileumsåret.
Hver måned vil vi derfor trekke frem en lånekunde som vi kårer til månedens kunde.